O museo Verbum quere ofrecer a todos os seus visitantes os últimos e máis novidosos avances en marketing e publicidade; para iso conta coa tecnoloxía Bluetooth: sistema de envío de información mediante a tecnoloxía bluetooth aos dispositivos móbiles (teléfonos, PDA, etc.). Esta información é personalizada, gratuita e non intrusiva. Antes de recibir a información sobre o museo (exposición permanente e temporais, actividades, programación, horarios, axenda,...), o noso dispositivo móbil sempre nos preguntará sobre a posibilidade de aceptalo ou rexeitalo.

Este sistema ten un alcance de ata 100 metros desde a posición do equipo emisor (o Verbum). Para todas as persoas que teñan este dispositivo no seu móbil e se atopen neste radio de frecuencia recibirán información puntual sobre todo o que está a acontecer no museo.