CONTIDOS

O deseño expositivo de VERBUM organízase en 29 cubos de madeira interactivos -correspondentes ás letras do alfabeto- nos que se desenvolven as diferentes temáticas das que trata o museo, sempre ao redor da comunicación humana. Poden diferenciarse catro grandes áreas (linguaxe, literatura, ciencias e tecnoloxías) que serven para marcar os itinerarios dos diferentes percorridos que se poden realizar polo museo.

Os cubos distribúense aleatoriamente, como se se tratase duns dados que se lanzan no espazo e quedan colocados como caian. Haberá que ir explorándoos pouco a pouco e descubrir en cada un deles novas informacións e curiosidades sobre as formas en que podemos comunicarnos.

VERBUM pretende ter un marcado carácter participativo, e por elo o visitante pode levar a cabo numerosas accións durante a súa estadía no Museo.

Os contidos divídense en catro grandes bloques:
- Linguaxe e comunicación.
- Literatura.
- Ciencias.
- Tecnoloxía.

Para saber máis de cada un destes bloques, selecciona o que máis che interese no menú da dereita.